12 APRIL 2026

1. Ds Llewellyn MacMaster tree vanoggend as Prediker op.

2. Ons vier vandag die 32ste bestaansjaar van die VGKSA.

3. Die 2025/2026-Katkisasiesiklus begin vandag en ‘n ontmoeting met katkisante en hul ouers (1ste en 2de jaar) vind net na die erediens plaas.

4. Die 70 jaar-feeskomitee vra die gemeente se hulp om die name en kontaknommers van alle oudpredikante en hulle gades, stigterslede, voormalige kerkraadslede, kosters, orrelliste, koorlede en brigadelede of hul naasbestaandes vir sr Marion deur te gee om uitnodigings aan hul te rig om hulle te bedank vir bydraes gelewer oor die jare. 

5. Memorobilia (aandenkinge) ter viering van die 70ste bestaansjaar is na afloop van die erediens by br. Andries Philander te koop.

6. Die Vrouediens kom volgende Saterdag, 18 April om 14:00 bymekaar. Almal is welkom. Elke wyk moet asb. 2 verteenwoordigers daar hê.

7. Volgende Sondag, 19 April, sal die gemeente se Leeshoekie geloods word. Etlike boeke is reeds ontvang, maar dis nie genoeg nie. Lidmate word dus gevra om van hul godsdienstige boeke wat nog in ‘n goeie toestand is na daardie diens toe saam te bring. Na afloop van die erediens sal daar geleentheid wees om dit self op die boekrak in die Adoniasaal te plaas sodat dit deel kan word van die gemeente se versameling boeke wat aan lidmate beskikbaar gestel sal word, soos in ‘n biblioteek. 

8. Dankie vir die respons op items vir eredienste. Die volgende datums (eerste semester se Sondae) is steeds beskikbaar vir sangbeurte/ander items tydens die erediens:

a) 3 Mei  c) 14 Junie

b) 17 Mei  d) 28 Junie   

Kontak gerus die kerkkantoor indien u ‘n item wil lewer. 

9. SIEKES:

9.1 Br George Strauss van Wyk 10 is oorgeplaas na Intercare Tygervallei.

9.2 Sr Sonia Esterhuysen van Wyk 5 is ontslaan. Sy sterk aan by Step Down–rehabilitasiesentrum by Karl Bremer hospitaal.

9.3 Voorbidding word ook gevra vir almal van wie ons nie kennis dra nie.

10. Meelewing met naasbestaandes van afgestorwenes

10.1 Sr Stephanie Fortuin is verlede Saterdag, 4 April, oorlede. Troosdiens: 

       Woensdag 15 April om 19:00 by 1249 Cottonstr. Bellville-Suid.

       Begrafnis: Volgende Saterdag, 18 April om 8:00.

10.2 Sr Caty Strauss (Wyk 10) is verlede Sondag, 5 April, oorlede. Die begrafnis vind Saterdag, 18 April om 10:00 plaas.

 Die Here se vertroosting word die families toegebid.